歌手陳慧敏最近忙於準備第二張EP，不過忙還忙，聖誕臨近，日前她趁在尖沙咀工作，收工後即趕去搜購聖誕禮物。當日慧敏哥在海港城先入Kiehl's揀護膚品，成個貨架擺曬唔同Line的產品，看到眼花撩亂，但女人厲害之處只要看準目標，必定揀到心頭好，最終買一袋護膚品後再轉戰Leonidas朱古力店。
自去年底推出首張EP，這一年慧敏哥事業都算不錯，適逢佳節都要買答謝?支持她的家人、朋友、同事，但見她入到護膚品店，完全不受控在陳列架不停揀不停試，最後仲索性坐低等店員介紹產品，最後當然有斬獲。不過隨即她轉戰朱古力專門店，見到甜品又發曬狂的慧敏哥，擘大口成塊面幾乎貼住窗，試吃完即刻興奮去揀禮盒裝，要送親朋好友。
